Borussia Dortmund dhe Erling Braut Haaland do të përballen me Lazion këtë mbrëmje, por sulmuesi norvegjez mund të ishte bashkuar me Biancocelestët në të kaluarën.
20-vjeçari ka 17 gola në 14 paraqitje në të gjitha garat deri më tani këtë sezon.
Lazio është katër pikë larg Club Brugge të vendit të tretë në grupin F të Ligës së Kampionëve dhe një pikë pas kryesuesit të renditjes, Borussia Dortmundit.
Lazio e fitoi ndeshjen e parë në Stadio Olimpico me rezultat 3-1 në tetor.
Si Haaland ashtu edhe Ciro Immobile shënuan në atë ndeshje. Italiani kishte luajtur pr Borussia Dormundin në edicionin 2014-15 dhe sipas Sky Sport, Haaland mund të kishte luajtur për Lazio në të kaluarën.
Igli Tare u përpoq të nënshkruante me sulmuesin kur ky i fundit ishte te Molde në vitin 2018.
Por Haaland u largua nga klubi norvegjez për t’u bashkuar me RB Salzburg në janar të vitit 2019 dhe pas një viti ai nënshkroi për Borussia Dortmundin.
Ai ka shënuar 33 gola në 32 paraqitje me gjigantët e Bundesliga që nga janari i kaluar. /Telegrafi/