Bad News Eagles ka shënuar fitoren e parë në turneun kualifikues ESL Challenger League, ku ka shkëlqyer snajperisti Genc ‘gxx-‘ Kolgeci.
Ekipi shqiptar ka fituar me vështirësi ndaj ekipit 1WIN në ndeshjen eliminuese të turneut ESL Challenger League.
Ndeshja përfundoi me rezultat të përgjithshëm 2-1 me mapa në të mirë të ekipit shqiptar.
Paraqitja e mirë e ‘gxx-‘ e ndihmoi ekipin shqiptar në fitore, snajperisti arriti që të regjistroi 85 eliminime në tri mapa, me vlerësimin nga HLTV 1.22, në mapin vendimtar pati gjithsej 33 eliminime në 35 raunde të luajtura.
Me këtë fitore ekipi Bad News Eagles ka kaluar në raundin e dytë të ‘Lower Bracket’ dhe së shpejti do ta mësoj kundërshtarin e radhës. /Telegrafi/
