Superliga sa po shkon dhe po nxehet, me ndeshjet që po jenë shumë interesante, ndërsa karriget e trajnerëve po vazhdojnë të lëkunden.
I fundit që dha dorëheqje nga pozita e trajnerit është Gugash Magani i Trepçës ’89 dhe këtë e deklarojë menjëherë pas humbjes me Prishtinën.
“Kam punuar me maksimumin tim. Por, në fund fare rezultatet janë kryesore dhe vendosin. Unë tashmë i kam konfirmuar kryesisë së klubit dorëheqjen”, tha trajneri shqiptar pas ndeshjes.
Magani është trajneri i gjashtë i larguar këtë edicion.
Xhiro e tretë kishe bërë që dy trajnerë të largohen, madje nga e njëjta ndeshje. Fituesit e Feronikelit larguan Sulejman Startovën, ndërsa humbësit e Ballkanit pranuan ‘dorëheqjen ‘ e Bekim Shotanit, në përballjen që ishte mbyllur 1-0.
Në xhiron e pestë pa punë mbeti trajneri kampion, Bekim Isufi, i cili siç duket tani, kishte humbur besimin e skuadrës, që pësoi shumë humbje në atë kohë, ndërsa me Shpëtim Duron është këndellur Drita.
Liria largoi Beajdin Gjinali në xhiro e shtatë, por as tani nuk është këndellur, shkruan Telegrafi.
Largimi më i ‘dyshimtë’ ishte ai i Bylbyl Sokolit, i cili pas humbjes nga Prishtina, nuk dha dorëheqje, por pas disa ditësh u shkarkua nga klubi.
Pas ndeshjes ai ishte sulmuar, nga persona që ende nuk janë gjetur.
Largimi i fundit është ai i Gugash Maganit, që erdhi po ashtu pas humbjes me Prishtinën në kryeqytet. /Telegrafi/
Sulejman Starova (Xhiro e tretë)
Bekim Shotani (Xhiro e tretë)
Bekim Isufi (Xhiro e pestë)
Bylbyl Sokoli (Xhiro e nëntë)
Beajdin Gjinali (Xhiro e shtatë)
Gugash Magani (Xhiro e 13-të)
