Kapiteni i Crystal Palace, Marc Guehi, është në qendër të vëmendjes së publikut britanik dhe evropian dhe mbrëmë ai ka injoruar paralajmërimet e Federatës së Futbollit të Anglisë (FA).
Kapitenët e ekipeve në Angli mbajnë shirita me ngjyra ylberi dhe Guehi vendosi të shkruajë mesazhin “Jezusi të do” në të, gjë që pati shumë reagime, përfshirë atë të Shoqatës.
Mbrëmë, Crystal Palace luajti një ndeshje të re në Ligën Premier dhe Guehi doli sërish në fushë me një mbishkrim identik në shirit dhe tregoi se nuk i intereson kritikat dhe çfarë thotë FA.
Meqë ra fjala, është e qartë se Guehi nuk do të dënohet për këtë, pasi The Times raportoi se shoqata nuk do të ngarkojë mbrojtësin e ekipit anglez për shenjën “Jezusi të do”, pavarësisht se kjo është shkelje e rregullave të saj.
Palace mposhti Ipswichin 1:0 në udhëtim dhe golin vendimtar e shënoi Mateta i asistuar nga Eze. /Telegrafi/