Mesfushori i Meksikës, Andres Guardado, është tallur me Neymarin pas eliminimit të tij nga Kampionati Botëror.
Brazili mposhti Meksikën me rezultat 2-0 duke eliminuar kombëtaren meksikane pas një ndeshje plot tension.
Kjo nxiti Neymarin që të tallet dhe të ngacmojë kundërshtarët duke thënë se: “Ata flasin shumë, e tash po shkojnë në shtëpi”.
Por, Selecao po ashtu tash ka marrë udhën për në shtëpi pas një performance të shkëlqyer nga Belgjika.
Dhe këtë rast mezi e ka pritur Guardado. Mesfushori meksikan i Betisit ju drejtua rrjeteve social për ta tallur Neymarin.
“Dhe, tash kush po shkon në shtëpi?”, ka shkruar ai në InstaStory.
Neymar realizoi vetëm një nga nëntë goditjet e Brazilit ndaj Belgjikës teksa ekipi latino amerikan u eliminua nga Botërori, Rusia 2018. /Telegrafi/