Një qytetar nga Kamenica ka raportuar për dëmtime serioze në rrugën mes fshatrave Dajkoc dhe Kolloleq, në Komunën e Kamenicës.
Përmes platformës ndreqe.com, ai ka paraqitur ankesën e tij, duke publikuar edhe pamje që pasqyrojnë gjendjen e rënduar të rrugës.
“Gropa në rrugë dhe rrugë shumë e dëmtuar: Dajkoc-Kolloleq, Komuna e Kamenicës,” ka shkruar qytetari.
Platforma ndreqe.com vazhdon të jetë një adresë e rëndësishme ku qytetarët mund të raportojnë shqetësimet e tyre për çështjet që prekin mjedisin dhe infrastrukturën përreth tyre. /Telegrafi/
