Manchester United po kalon nëpër një formë të luhatshme këtë sezon, andaj pozita e Ten Hag në krye të stolit ka filluar të lëkundet.
Gazetari Alan Nixon ka raportuar se Graham Potter mund të kthehet përsëri të drejtojë një ekip kësaj radhe duke marrë timonin e Man United.
Anglezi i cili pak kohë më parë u shkarkua nga Chelsea për shkak të mungesës së rezultateve, aktualisht po pret një ofertë nga Napoli, me kampionët e Serisë A që e kanë atë në listën e ngushtë në rast se shkarkojnë Rudi Garcian.
Por ka gjithashtu një shans që 48-vjeçari të marrë drejtimin e Man United. Që kjo të ndodhë, duhet të ndodhin dy gjëra. Së pari, familja e pronarëve aktualë Glazers duhet të pranojë një ofertë nga Sir Jim Ratcliff për të blerë aksione në klub; së dyti, ekipi i përbashkët Glazers/ Ratcliffe duhet të vendosë të shkarkojë Erik ten Hag.
Nëse ata vendosin të ndajnë rrugët me holandezin, Ratcliffe i ka sytë te Potter si zëvendësues.
48-vjeçari gjatë tërë karrierës së tij si trajner ka drejtuar klube vetëm në Ligën Premier, teksa bujë të madhe ka bërë gjatë kohës kur ishte në krye të Brightonit, kryesisht për shkak të futbollit sulmues që aplikonte.
Tani mbetet të shihet nëse Manchester United arrin të vazhdojë me rezultate të kënaqshme, në rast se ata nuk arrijnë një rrugëdalje nga situate aktuale, Potter është në pritje të një telefonate./Telegrafi/