Kompania Google, rrezikon të marrë gjoba nga disa shtete, për vjedhje të të dhënave të bizneseve private, ndërsa regjistronte pamje dhe i trasmetonte ato me WiFi, për projektin Street View.
Një gjykatë në San Francisko shpalli si të paligjshme mbjedhjen e këtyre të dhënave, pasi ato binin në kundërshtim me ligjet e këtij shteti.
Ky skandal u zbulua në vitin 2010, e u pasua menjëherë me faljen që Google bëri publikisht. Pas hetimeve u kuptuan përmasat e vërteta të kësaj çështje, ndërsa u zbulua se janë cënuar të dhënat e të paktën 30 shteteve.
Gjobën e parë Google e mori pas ngritjes së padisë në Francë, ku kjo kompani u dënua me 100 mijë euro gjobë. /Telegrafi/