Në një raport, The Verge e ka konfirmuar se Google është duke e ribrenduar Google TV nën ombrellën e Android.
Platforma e re e televizionit të Google do të jetë konkurruese me ofertat ekzistuese si Roku, Apple TV dhe Amazon Fire TV.
I mbështetur nga Android, resiveri i ri i Google besohet se do të vijë në formë të një resiveri me ndërfaqe moderne e cila do ti përngjajë asaj të Apple TV.
Në dokumentin e Google thuhet se përdoruesit do ti duhen jo më shumë tri klikime për të arritur nga faqja e parë e platformës tek përmbajtja e dëshiruar. Android TV është version i ri i Google TV me funksionet si VoIP, mbështetje për ekranin e ndjeshëm në prekje, NFC, si dhe kornizën e kërkimit për aplikacione dhe përmbajtje të palëve të jashtme.
Google tashmë ka krijuar një partneritet me kompanitë si Hulu për krijimin e ofertës fillestare për Android TV, ndërsa në vijim do të sjell edhe qasjen në ekranin e madh për shërbimet e saj më të famshme si YouTube dhe Hangouts. / Telegrafi /