Arbnor Muja ka luajtur nga minuta e parë në ndeshjen mes Antwerp dhe Shakhtar Dontesk, ku ka arritur të shënojë një gol.
Goli erdhi në minutën e tretë, kur sulmuesi anësor mori një top nga e djathta dhe me një driblim të bukur kaloi një kundërshtar për të gjetur pastaj rrjetën me një goditje me të majtën, por në fund ukrainasit fituan në fund 3-2.
Ky ishte goli i parë i Mujës në Ligën e Kampionëve në karrierën e tij, ndërsa në ndeshje ndaj Shakhtar kishte tre goditje në portë, dy prej tyre brenda kuadratit.
Muja po ashtu kompletoi tri driblime nga po aq tentime ndaj ukrainasve, ndërsa u vlerësua me notën 7.7 nga SofaScore.
Po ashtu sulmuesi shqiptar kishte tre duele të fituara nga katër sa tentoi, ndërsa shtoi edhe një pasim kyç.
Të mos harrojmë se Arbnor Muja në vitin e shkuar kompletoi transferimin e tij te Antwerp nga Drita. /Telegrafi/