Enis Bardhi ka qenë i mrekullueshëm në pjesën e parë të ndeshjes ndërmjet Maqedonisë së Veriut dhe Gjibraltarit në Ligën e Kombeve.
Në takimin e zhvilluar në ‘Todor Proeski Arena’ në Shkup, vendasit e gjetën rrjetën katër herë në pjesën e parë.
Rezultatin e zhbllokoi mesfushori shqiptar nga gjuajtja e lirë në minutën e katërt të takimit dhe ishte një gol i bukur që u shënua me ndihmën e shtyllës.
The Macedonian McConville 🚀 pic.twitter.com/nDxz7iWGpn
— Josh (@bristolaccy) June 12, 2022
Bardhi ishte asistues në golin e dytë të skuadrës nikoqire, të cilin e realizoi Bojan Miovski (14’).
Njëherësh, ai ishte i përfshirë edhe në golin e katërt duke harkuar drejt asistuesit Todor Todoroski, i cili e nxori para portës së zbrazët golashënuesin Darko Churlinov.
Golin e tretë për Maqedoninë e Veriut e kishte realizuar Bojan Miovski që ishte goli i dytë personal për të në këtë takim. /Telegrafi/
Bardhinho 1:0! 🇲🇰💪🇲🇰💪#UEFANationsLeague #Macedonia pic.twitter.com/x3KNwN4BCV
— Скратен Корнер (@SkratenKorner) June 12, 2022