Ylli i Manchester Cityt, Rodri, hapi rezultatin në çerekfinalen e Champions League kundër Bayern Munich, në mënyrën më mahnitëse të mundshme.
Manchester City ka fituar me rezultat të pastër 3-0 ndaj Bayern Munichut në ndeshjen e parë çerekfinale të Ligës së Kampionëve, të zhvilluar në Etihad.
Golat për ekipin e Pep Guardiolas u shënuan nga Rodri (27’), Bernardo Silva (70’) dhe Erling Haaland (76’).
Megjithatë, goli i parë i shënuar nga mesfushori spanjoll Rodri ka ‘vjedhur’ gjithë vëmendjen.
Rodri shënoi një supergol nga distanca, ku me këmbën e majtë nuk i dha asnjë mundësi portierit Yann Sommer, pasi më parë shmangu Jamal Musialan.
Blessing your TL with Rodri's last night's screamer vs Bayern pic.twitter.com/W8sGDOZLuY
— 𝟏𝟖 🧃 (@guywholovebarca) April 12, 2023
Ky gol i shënuar nga mesfushori spanjoll ka bërë të flasin shumë tifoz dhe figura të njohura të futbollit.
“Uau. Çfarë goditje e pabesueshme nga Rodri”, ka thënë legjenda angleze, Alan Shearer.
“Kjo është këmba ‘më e dobët’ e Rodrit meqë ra fjala! ÇFARË GOLI!”, shkroi një fans në rrjetet sociale, ndërsa një tjetër shtoi: “Goli i Rodrit. Një shigjetë kaq e vërtetë, e shtyrë me aq art, fuqi dhe hark sa që as shiu i Mançesterit dhe as Yann Sommer nuk mund ta ndalonin”. /Telegrafi/