Borussia Moenchegladbach ka marrë një fitore të madhe në shtëpi përballë Borussia Dortmundit me rezultat 4-2.
Ka qenë një ndeshje spektakolare në Borussia-Park, me vendasit që kaluan të parët në epërsi vetëm pas katër minutash lojë.
Stindl asistoi bukur te Jonas Hoffman i cili realizoi për epërsinë e vendasve 1-0.
Por në minutën e 19-të erdhi goli i barazimit nga mysafirët, me Julian Brandt realizues.
Mbrojtësi i majtë algjerian Bensebaini realizoi për 2-1 në minutën e 26-të, derisa kur kaluan gjysmë ore lojë Marcus Thuram ngriti epërsinë e Gladbach në 3-1.
Dortmund u rikthye në lojë në minutën e 40-të, pasi mbrojtësi Schlotterbeck shënoi nga afërsia për 3-2.
Me të filluar pjesa e dytë, Gladbach gjeti edhe golin e katërt, me Kone realizues.
WE ARE BORUSSIA! 🖤🤍💚#BMGBVB 4-2 pic.twitter.com/qGojCdKHFT
— Gladbach (@borussia_en) November 11, 2022
Deri në fund gola më nuk pati dhe Gladbach fitoi derbin gjerman me rezultat 4-2.
Me këtë fitore Gladbach ngritët në vendin e shtatë në tabelë me 22 pikë, derisa Dortmund mbetet e gjashta me 25 sosh. /Telegrafi/