Gjyqtari meksikan, Fernando Hernandez, është përjashtuar për 12 ndeshje pasi gjunjëzoi një lojtar duke e goditur në ijë gjatë një ndeshjeje të ligës të dielën.
Mesfushori Lucas Romero dhe shokët e tij të skuadrës te Leon i kishin bërë thirrje arbitrit që të bënte një rishikim në VAR, pasi Club America kishte shënuar golin e barazimit në mënyrë të diskutueshme në ndeshjen e tyre në Liga MX.
Hernandez, i cili kishte ndëshkuar shokun e skuadrës së Romeros, u duk se ngriti gjurin në ijën e mesfushorit pasi u përball me lojtarin duke bërë që ai të binte në tokë.
Pasi Federata Meksikane e Futbollit konfirmoi se një hetim kishte nisur pas incidentit, një komitet disiplinor i Liga MX njoftoi dënimin për Hernandez të martën.
Në një deklaratë ata thanë: “Fernando Hernandez Gomez, arbitri i ndeshjes (Club America vs Leon), sanksionohet nga Komiteti Disiplinor me 12 ndeshje pezullim, për shkelje të nenit 30, paragrafi G) të FMF-së (Federata e Futbollit Meksikan) Rregullorja e Sanksioneve, duke u përfshirë në sjellje të dhunshme kundër një lojtari”.
Rodillazo del árbitro al jugador de León, esto le puede costar la carrera a Fernando Hernandez, Archundia como explicas esto, agresión del árbitro. pic.twitter.com/QzOjGxwpbg
— Felipe Ramos Rizo (@ramosrizo) April 2, 2023
Në një lojë me tensione të larta, drejtuesit e të dy skuadrave – Nicolas Larcamon dhe Fernando Ortiz – u përjashtuan nga fusha pas një përplasjeje, ndërsa gjashtë kartonë të verdhë u shfaqën gjatë 10 minutave kaotike të pjesës së dytë.
Komiteti disiplinor zbuloi gjithashtu se Romero kishte marrë një ndalim me dy ndeshje për ‘shkelje të parimeve të sportit dhe lojës së ndershme, nëpërmjet veprimeve ndaj zyrtarëve të ndeshjes’, ndërsa Larcamon dhe Ortiz u pezulluan me dy ndeshje për ‘sjellje të dhunshme’. /Telegrafi/