Gjyqtari Enea Jorgji, do të jetë i pari nga Shqipëria që do të gjykojë një ndeshje të Ligës së Evropës.
34-vjeçari do të drejtojë ndeshjen e fazës së grupeve ndërmjet AEK Larnakas dhe Ludogorets, e cila do të luhet të enjten e 25 tetorit në Qipro.
Takimi i vlefshëm për Grupin A dhe që i shërben dy skuadrave për të siguruar fitoren dhe për të qëndruar në garë.
Kjo ndeshje është e para për një gjyqtar shqiptar në këtë nivel.
Jorgji është njëri ndër tre gjyqtarët që kanë stemën e FIFA-s në Shqipëri dhe është i përfshirë në listën e gjyqtarëve të kategorisë së dytë.
Gjyqtari nga Elbasani para dy muajsh kishte regjistruar një tjetër arritje të madhe pasi u caktua nga UEFA për të drejtuar ndeshjen e fazës “play-off” të Ligës së Evropës mes Sevillas dhe Zalgiris Vilnius.
Ai nëse vazhdon me këtë hapa në të ardhmen mund ta shohim edhe në ndeshjet e Ligës së Kampionëve./Sport Ekspres/