Përmes rrjeteve sociale Gjirafa ka shpallur të hapura kualifikimet për turneun CEE Champions në video-lojën Dota 2.
Kualifikimet e hapura pritet të mbahen në datat 10 dhe 11 shtator, dhe të drejtë pjesëmarrje kanë ekipet nga Kosova, Shqipëria dhe Maqedonia e Veriut.
Ndeshjet do të zhvillohen në formatin ‘Bo1’ me eliminim direkt, ndërsa ndeshjet vendimtare do të zhvillohen në formatin ‘Bo3’.
Katër skuadrat e para do t’i bashkohen ekipeve të tjera të ftuara në kualifikueset e mbyllura për të përcaktuar se kush do të përfaqësojë rajonin tonë në CEE – Champions.
Të gjitha ekipet e interesuara për të marrë pjesë në turnetë kualifikues, mund të regjistrohen këtu.
/Telegrafi/