Klubet e Ligës Premier që njihet si “Gjashtëshja e madhe” janë larguar nga projekti i Superligës Evropiane, por thuhet se janë duke planifikuar që të vënë në funksion një Superligë të Britanisë, ku do të ishin pjesën edhe Celtic dhe Rangers.
Liverpool, Chelsea, Arsenal, Tottenham Hotspur, Manchester City dhe Manchester United fillimisht kishin rënë dakord të punonin me klube të tjera elitare në krijimin e një kampionati të ri Evropian, por u tërhoqën nga projekti pas reagimeve nga tifozët, lojtarët, qeveria dhe UEFA.
Megjithatë sipas The Sun, “Gjashtëshja e madhe” e Ligës Premier tashmë ka diskutuar mundësinë e krijimit të një Superlige të re Britanike ku do tu bëhet ftesën edhe dy gjigantëve të Glasgou për t’u bashkuar me ta.
Siç ka raportuar gazeta britanike, Celtic dhe Rangers do të ishin të gatshëm të ishin pjesë e projektit i cili mund të rritë financiarisht të dy klubet.
Organet drejtuese të futbollit japin dritën jeshile
Ndërkohë, të dy Federata si ajo angleze edhe ajo skoceze, së bashku me qeverinë e Mbretërisë së Bashkuar, UEFA-n dhe FIFA-n kanë mbështetur të gjithë formatin e ri.
Përfshirja e Celtic dhe Rangers nuk do të ishte e vetmja risi që Superliga Britanike do të sillte, pasi numri i ekipeve mund të ulet në 18 dhe një ide tjetër është që të zhvillohet një play- off në fund të sezonit. /Telegrafi/