Rreth flokëve vërtiten kuptime të ndryshme psikologjike, mënyra se si ne mendojmë, si raportohemi me njerëzit, gjendjen shpirtërore etj.
Dihet që prerja apo lyerja e flokëve tregon që kemi nevojë për ndryshim, dhe jo vetëm nga pamja por ndryshim jetësor.
Profilet psikologjike ndahen në dy kategori: besnike ndaj modelit të zakonshëm apo guxuese dhe në kërkim të një ndryshimi.
Mbas zgjedhjes së ndryshimit të stilit, qëndron fakti që mund të të pëlqejë vetja sido që t’i kesh flokët, apo që je e pasigurt. E njëjta gjë për ato që i qëndrojnë besnike modelit të tyre.
Lidhja e personaliteti dhe modelit të flokëve:
Flokë të gjata
Është zgjedhja më konservatore! Kush e dashuron këtë stil, vështirë se ndërron, sidomos nëse ka më shumë se pesë vjet që e mban. Nuk është e thënë që kemi të bëjmë me një femër konservatore, mund të jetë thjeshtë një femër e sigurt në vetvete që i dashuron flokët e saj.
Flokë me vijë në mes
Kemi të bëjmë me një vajzë praktike e cila thjeshtë përton të gjej një model të ri flokësh.
Flokë kasketë
Një tjetër prerje e dashur nga vajzat dhe gratë, vajza praktike të cilat nuk kanë kohë të kujdesen për flokët e gjatë.
Vajzat që i kanë flokët kaçurrela dhe i mbajnë, janë vajza të lira dhe të sigurta në vetvete.
Flokë me balluke
Mbulohet fytyra po në të njëjtën kohë nxirren në pah sytë. Vajzat që i dashurojnë balluket janë ato më lozonjare dhe tërheqëse. Balluket janë sinonim i sensualitetit.
Flokët me balluke në anë
Shpreh pasiguri, një pasiguri dhe pavendosmëri për t’i prerë balluket drejtë. Vajzat me balluke në anë janë ato më të ndrojtura të cilat ‘mbulojnë’ një pjesë të fytyrës me flokë.
Flokë të shkurtra rebele
Një prerje e çmendur, asimetrike. Shenjë rebelimi, femrat që zgjedhin këtë model flokësh kanë vërtetë nevojë të thyejnë rregullat në jetë dhe e shprehin këtë në modelin e zgjedhur. Është një prerje guximtare, të tilla janë dhe vajzat që e zgjedhin.
Flokë të rruara në një anë
Janë femra rebele, të cilat duan ta tregojnë këtë gjë në çdo mënyrë. I pëlqen vëmendja, dhe duan të jenë në qendër të vëmendjes gjatë gjithë kohës.
Flokët e mbledhur
Vajzat që i mbajnë flokët e mbledhura janë ato që jetojnë për veten, mos kokëçarëse, nuk kanë frikë t’i nxjerrin në pah defektet që mund të kenë. Janë të kënaqura me veten e tyre dhe e dinë që pamja nuk është gjithçka!
Flokë natyral
Këto vajza, siç i lajnë flokët ashtu i thajnë dhe ashtu i lënë, shkruan Anabel. Janë vajza shumë të ndrojtura dhe të pasigurta.
Flokë me onde
Flokët që i asocohen divave të Hollywood-it, këto femra ndihen shumë të sigurta në vetvete. Të rafinuara dhe të kuruara në detaj. Për to pamja e jashtme është shumë e rëndësishme. /Telegrafi/