Shiu që ka rënë vazhdimisht për 24 orë ka krijuar probleme të mëdha në disa pjesë të Bosnjës dhe Hercegovinës.
Kështu që, sipas medieve lokale, përcjell Telegrafi, për shkak të reshjeve të mëdha, lumi Drinjača, pas rritjes së nivelit, uji i tij ka kaluar edhe në rrugën kryesore Zvornik-Milići.
Si pasojë, trafiku ishte i bllokuar në këtë pjesë të rrugës, dhe kolona të gjata të automjeteve u formuan në të dy anët.
Në këtë drejtim, ekipet e ndërmarrjes rrugore, në bashkëpunim me Administratën Policore të Zvornikut dhe përfaqësuesit e Hidrocentralit në Drinjača, po punojnë për zgjidhjen e këtij problemi.
Sipas njoftimeve të meteorologëve, ky mot do të vazhdojë deri në fund të javës. /Telegrafi/
