Gjashtë herë kampioni francez i futbollit Bordeaux pushon së ekzistuari si klub profesionist që nga sot, pasi Girondins vendosën të heqin dorë nga ai status pas problemeve të mëdha.
Dy ditë më parë Bordeaux ra në kategorinë e tretë për shkak të problemeve financiare dhe sot mbërriti lajmi se klubi pushon së ekzistuari si klub profesionist.
Drejtuesit nuk donin të prisnin seancën gjakësore, e cila duhej të vendoste nëse klubi duhet të shpallte likuidim apo falimentim.
Bordeaux njoftuan sot Federatën Franceze të Futbollit (FFF) për vendimin e tyre dhe thanë se kontratat me të gjithë lojtarët janë ndërprerë.
🇫🇷 RIP Girondins de Bordeaux, 1920-2024.
Amidst crisis-level financial troubles, Bordeaux have informed the FFF they won’t be renewing their professional licence. All player contracts are to be terminated and their training centre will be closed.
Feel for the fans on this one. pic.twitter.com/A6dSUbxlcd
— Forgotten Football (@_forgottenfooty) July 25, 2024
Gjithashtu, qendra stërvitore e përdorur nga ky klub do të mbyllet dhe nuk do të jetë më në përdorim. Sezonin e kaluar Bordeaux garonte në divizionin e dytë të Francës dhe ishte i 12-ti në renditje.
Klubi vazhdon të luftojë me borxhin e raportuar prej 90 milionë euro. Si rezultat, stafi dhe lojtarët kanë mbetur pa kontrata profesionale.
Bordeaux ka qenë gjashtë herë kampion i Francës, pasi ka fituar titullin në 1950, 1984, 1985, 1987, 1999 dhe 2009.
Bordeaux fitoi Kupën e Francës katër herë, Kupën e Ligës tre herë dhe Superkupën e Francës dy herë. /Telegrafi/