Girona ka fituar me rezultat minimal 1-0 ndaj Celta Vigos në kuadër të javës së dhjetë në La Liga, duke vazhduar edhe më tutje “ëndrrën”.
Pjesa e parë u karakterizua me lojë të qetë dhe pa raste, me të dy ekipet që prisnin për ndonjë gabim eventual të njëra-tjetrës.
Rasti i vetëm për gol në këtë pjesë erdhi në minutën e 41-të kur Jonathan Bamba i ekipit mysafir pas një vrapimi fantastik bën një goditje e cila u ndal me sukses nga portieri vendas Gazzaniga.
Në pjesën e dytë Girona shtoi intensitetin e lojës dhe rrezikuan në disa raste portën e Celta Vigos.
Këto përpjekje të tyre u shpërblyen krejt në fund të takimit, kur në minutën e 91-të të takimit, Yangel Herrera shënoi një gol të bukur nga afro 18 metra për t’i dhënë fitoren e radhës Gironas.
⚽️GOAL | Yangel Herrera
90’ | Girona [1] – 0 Celta Vigo
Follow me for more goal videos ⚽️
— Toby Smile (@toby_smile) October 27, 2023
Kjo fitore ishte e treta radhazi në kampionat për Gironan, teksa ata momentalisht gjejnë veten si lider në elitën e futbollit spanjoll me 28 pikë, por me një ndeshje më shumë të zhvilluar se sa Real Madridi që nesër luan derbin ndaj Barcelonës.
Xhiron e radhës të besuarit e Michel e luajnë në udhëtim ndaj Osasunas, teksa shpresojnë që të vazhdojnë me rezultate pozitive./Telegrafi/