Telegrafi

Ghoulam shumë i pafat, nga dëmtimi në dëmtim tjetër

Mbrojtësi algjerian i Napolit, Faouzi Ghoulam, mund të konsiderohet si njëri nga futbollistët më të pafat në botë.

Algjeriani që e nisi këtë sezon në formë të lartë, duke u bërë ndër lojtarët kryesor të Napolit, pësoi një lëndim të rëndë në ndeshje ndaj Manchester Cityt në Ligën e Kampionëve.

Ai mbeti fillimisht jashtë për disa muaj nga ky dëmtim.

Ghoulam nisi të stërviste me skuadrën, por pas disa seancash, ai ka ndjerë një shqetësim dhe ka udhëtuar për në Romë, për kontrolle më të detajuara.

Ghoulam duke fërkuar gjurin pas lëndimit

Pas vizitave është konfirmuar një dëmtim i rëndë dhe ai iu është nënshkruar menjëherë operimit.

Ai tani pritet të mungojë deri në 12 muaj, pasi rastet e tilla marrin aq kohë për shërim.

Ghoulam është njëri nga lojtarët kryesor të Napolit

Mbrojtësi i majtë algjerian kishte tërhequr vëmendjen e shumë klubeve të mëdha dhe afati i verës pritej të ishte i nxehtë për të.

Dries Mertens i ishte gëzuar kthimit të tij, para disa ditësh, duek e quajtur “blerja” më e mirë e janarit.  /Telegrafi/