Pas problemeve sistematike me disa trajnerë futbolli, Rei Manaj përplaset dhe me trajnerin e ri të Pizzës, Gennaro Gatusso.
Sjelljen problematike e kishte shfaqur me trajnerin Gianni De Biasin apo dhe me Massimmo Odon te Pescara, por tashmë i është bashkangjitur edhe fshikullimi te Pizza nga ish milanisti, Gattusso.
Trajneri i Pisës në konferencën për shtyp ka bërë me dije se Manaj do të qëndrojë në shtëpi dhe nuk do të jetë me skuadrën në ndeshjen e nesërme të Serisë B ndaj Veronës në transfertë, transmeton oranews.
“Unë nuk jam këtu që të shoh lojtarët të luajnë në ndeshje sipas dëshirës së tyre. Nuk po luajmë në kalçeto me miqtë. Duhet respektuar puna që bëhet gjatë javës, sepse disa stërmundohen për skuadrën ndërsa të tjerët e interpretojnë lojën siç kanë qejf, dhe kjo nuk shkon. Po i afrohemi fundit të sezonit dhe nuk mund të toleroj më asnjë. Nëse nuk shoh te dikush grintën, përkushtimin dhe përulësinë, atëherë e lë në shtëpi. Për shembull, sot nuk kam grumbulluar Manajn. Do të qëndrojë në shtëpi”, tha Gattuso.