Gjendja shëndetësore e Michael Schumacherit mbetet konfidenciale dhe enigmë për të gjithë dashamirët e gjermanit.
Revista gjermane “Bunte” ka arritur të gjejë se ku gjendet kampioni shtatfisht i Formula 1.
Mediumi ka njoftuar se do të publikojë foto ekskluzive në botimin e shtypur si dëshmi për këtë histori.
Familja e Schumacherit e ka transferuar pilotin nga shteti zviceran për në Mallorca në fund të vitit të kaluar, ku kaloi festat e fundvitit dhe ditëlindjen r 50-të më 3 janar.
Schumacher u transportua me një helikopter privat për tek vendi ku jeton, në vilën Jasmin, i cili është edhe pronari i portit D’Andratx.
Në këtë pjesë jetojnë vetëm njerëzit e pasur gjersa fqinjët kanë zbuluar se e kanë parë gjermanin e famshëm.
Ndryshe, kujtojmë se më 28 dhjetor të vitit 2013, piloti i skuderisë së Ferrarit pësoi një aksident të tmerrshëm në ski në Alpet franceze dhe informacionet për gjendjen shëndetësore të sportistit janë mbajtur sekret. /Telegrafi/