Gary Neville ka paralajmëruar se nëse Jadon Sancho nuk është i kujdesshëm ai mund të përfundojë duke qenë në të njëjtën situatë si Donny van de Beek në Manchester United.
Mesfushori holandez, i cili kaloi në Old Trafford verën e kaluar, ka luajtur vetëm pesë minuta në Ligën Premier gjatë sezonit 2021/22; një paraqitje zëvendësuese në fitoren e tyre 4-1 kundër Newcastle më 11 shtator.
Ndërkohë, Sancho nuk ka regjistruar ende një gol apo asistim në shtatë paraqitje në ligën angleze këtë sezon.
Donny & Sancho poor guys pic.twitter.com/j60ZmxepZV
— Rash (@RashBhana) October 30, 2021
Ish-anësori i Borussia Dortmundit, i cili u shfaq për herë të fundit për United në përballjen e tyre kundër Atalantës në Ligën e Kampionëve më 20 tetor, ishte një zëvendësues i papërdorur në fitoren e tyre 3-0 kundër Spurs.
Dhe ndërsa fliste për situatën e Van de Beek në Old Trafford, eksperti i Sky Sports, Gary Neville shprehu shqetësimin e tij për situatën aktuale të Sanchos në United pas një fillimi të ngadaltë.
“Nuk mund të mos mendoj për Van de Beek”, ka thënë Neville pas vërshëllimës së fundit të gjyqtarit të shtunën.
“Kush e ka vënë emrin e tij mbi të? Kush po e sponsorizon atë në Manchester United, ato 40 milionë funte që janë shpenzuar për atë djalosh që është ulur në tribunë dhe nuk ka luajtur futboll për gati 18 muaj?”.
“Sancho, nëse nuk është i kujdesshëm, do të përfundojë saktësisht njësoj. Ai ka luajtur në disa paraqitje mjaft të tmerrshme në disa [javët] e fundit, jo ai… Unë e kam fjalën për paraqitjet e ekipit”.
“Ai ka ardhur në një klub që dukej krejtësisht i ndarë në aspektin e futbollit të tyre. Ai ka luajtur në një ekip dhe njësi shumë më të mirë në Dortmund”.
🗣 "Who's sponsoring that 40 million that's been spent on that kid who is sat in the stand and not kicked a football for nearly 18 months, Sancho if he's not careful will end up the same."@GNev2 feels sorry for van de Beek and compares Sancho's situation to his pic.twitter.com/mXFncuCI01
— Football Daily (@footballdaily) October 30, 2021
“Ai ka ardhur këtu dhe ndoshta mendon, ‘për çfarë dreqin jam unë këtu? Çfarë është kjo?’”.
“Nuk ka asnjë organizim, nuk ka strukturë, niveli i punës në mbrojtje është i dobët”, ka shtuar më tej ai.
Neville vazhdoi të lavdërojë nivelin e punës së Sanchos kur luajti ndaj Atalantës për skuadrën e Ole Gunnar Solskjaer, por që lojtari nuk po luan rregullisht. /Telegrafi/