Ish-legjenda e Manchester Unitedit, Gary Neville ka thënë se shpresat e Djajve të Kuq për të arritur një vend që i dërgon në Ligën e Kampionëve kanë mbaruar pas barazimit të tyre me Leicester Cityn të shtunën, pasi tani janë jashtë garës për top katërshe.
Fred shpëtoi një pikë në një paraqitje veçanërisht anonime nga Djajtë e Kuq në Old Trafford kundër Dhelprave, për të shkuar në tri pikë më pak nga Arsenali i vendit të katërt, me Topçinjtë në formë dhe që kanë dy ndeshje më pak.
Me Tottenham Hotspur me pikë të barabarta me Unitedin dhe me një ndeshje shtesë për të luajtur, gjasat për të siguruar futbollin evropian të nivelit më të lartë duket se janë shuar dhe Neville pajtohet se shpresat e tyre mund të jenë të paarritshme.
“Unë mendoj se po. Përplasja filloi pas pushimit ndërkombëtar. Ata duhej ta fillonin atë me një fitore, por nuk e arritën atë. Mënyra se si ata barazuan, ishte vërtetë lojë e keqe”, ka thënë fillimisht Neville kur u pyet nëse Unitedi mund të përfundoj në katërshe.
“Ndonjëherë, skuadrat mund të duken pak të ndryshkura kur kthehen, por mendova se pushimi do të funksiononte për Unitedin, pasi mendova se do të ishte mirë që lojtarët të largoheshin nga klubi dhe më pas të ktheheshin dhe t’i jepnin një hap të drejtë”.
“Këta do të jenë dy muaj të gjatë për ata lojtarë dhe tifozë të Unitedit. Do të jetë e vështirë në tetë ndeshjet e tyre të mbetura nëse ata vazhdojnë në atë formë”, përfundoi legjenda e Djajve të Kuq. /Telegrafi/