Trajneri Christophe Galtier thuhet se ka folur me Presnel Kimpembe për të sqaruar situatën në lidhje me mosmarrëveshjen me Kylian Mbappe në lidhje me punën e zëvendëskapitenit te Paris Saint-Germain.
Pas fitores 7-0 të PSG ndaj Pays de Cassel në Kupën e Francës, Galtier sqaroi se Mbappe ka qenë zëvendëskapiten që nga vera.
Megjithatë, Kimpembe, i cili ishte i dyti në hierarki pas kapitenit Marquinhos, doli në mediat sociale për të këmbëngulur se ai nuk ishte i informuar për ndryshimin.
Sipas gazetës L’Equipe, menaxheri tani ka pasur një bisedë me mbrojtësin për të zhdukur çdo keqkuptim që mund të ketë ndodhur.
Galtier i shpjegoi Kimpembe se ai është një nga katër zëvendës-kapitenët në skuadër – së bashku me Mbappe, Marco Verratti dhe Sergio Ramos. Të katër ata konsiderohen të barabartë.
Duke qenë se vetëm Mbappe dhe Ramos ishin në skuadër për ndeshjen e kupës, sulmuesit francez iu dha shiriti për shkak të vjetërsisë së tij për sa i përket viteve të shërbimit në Parc des Princes.
Sa herë që Marquinhos është i padisponueshëm, Kimpembe zakonisht merr shiritin në krah dhe për herë të fundit drejtoi skuadrën e tij më 29 tetor kundër Troyes, edhe pse Mbappe gjithashtu filloi ndeshjen.
Në mungesë të të dy qendërmbrojtësve veteranë, Verratti historikisht ka qenë ai i cili ka vendosur shiritin. /Telegrafi/