Federata e Futbollit të Francës ka thënë se kanë nisur nëj ankesë ligjore për thirrjet e papranueshme, raciste dhe diskriminuese që janë bërë nga një numër i lojtarëve të Argjentinës pas triumfit në Copa America.
Pasi mposhtën Kolumbinë në finale me rezultat 1-0, një video e filmuar nga Enzo Fernandez e shfaq atë dhe bashkëlojtarët e tij duke kënduar për kombëtaren e Francës.
“Ata luajnë për Francën, por prindërit e tyre janë nga Angola. Nëna e tyre është nga Kameruni, ndërsa babai i tyre është nga Nigeria. Por pasaporta e tyre thotë se janë francez”, ishin vargjet e këngës që lojtarët kënduan.
Një numër i lojtarëve të Argjentinës mund të shihen duke e kënduar këtë në autobus, ndërsa ajo duket se ka nisur pak minuta para se Fernandez të urdhërohej që të mos filmonte më.
Tani, Federata e Futbollit të Francës (FFF) ka lëshuar një njoftim zyrtar në lidhje me këtë incident.
Njoftimi i plotë i Francës:
Presidenti i Federatës së Futbollit të Francës, Philippe Diallo, i dënon në mënyrën më të ashpër këto deklarata të papranueshme, raciste dhe diskriminuese që ishin bërë ndaj lojtarëve të ekipit rancez në kontekstin e një këngë që u këndua nga lojtarët dhe tifozët e Argjentinës pas fitores së tyre në Copa America dhe e transmetuan atë në rrjetet sociale.
Duke u përballur me këto deklarata tronditëse, në kundërshtim me vlerat e sportit dhe të drejtat e njeriut, presidenti i FFF-së ka vendosur që ta sfidojë direkt Argjentinën dhe FIFA-n duke nisur një ankesë ligjore për këto deklarata raciste dhe të natyrës diskriminuese.
Para finales së Botërorit të 2022-ës mes Argjentinës dhe Francës, tifozët e Argjentinës u dëgjuan duke kënduar këngë raciste dhe transofobike në drejtim të kombëtares së Francës dhe Kylian Mbappes.
Kjo ishte bërë për arsye se gjatë asaj kohe dyshohej për një marrëdhënie mes Kylian Mbappes dhe modeles transgjinore Ines Rau./Telegrafi/