Barazimi pa gola ka dërguar dy kombëtaren në fazën tjetër të Euro 2016.
Kombëtarja nikoqire, Franca, dhe kombëtarja e Zvicrës janë ndarë baras 0:0 në ndeshjen e tretë të Grupit A.
Pas këtij barazimi të dy kombëtaret kanë siguruar plasmanin në fazën tjerët të Kampionatit Evropian, me Francën lider me 7 pikë, ndërsa Zvicra e dyta me 5 sosh.
Te dy pjesët e lojës ishin thuajse të barabarta, me Zvicrën, e cila mbante më shumë posedimin e topit, por Franca kishe rastet më të mira për gol.
Në pjesën e parë rasti më i mirë i takoj Francës me mesfushorin Paul Pogba, i cili më një goditje të fortë nga 25 metra goditi transversalen.
Edhe në pjesën e dytë ishte fytyrë e njëjtë, me Zvicrën qe mbante topin dhe Francën që kishte rastin më të mirë për të shënuar.
Rasti më i mirë në pjesë lojën e dytë ishte goditja e zëvendësuesit Dimitri Payet, i cili në minutën e 76-të goditi shtyllën pingule nga një distancë e konsiderueshme.
Ndryshe, pas Francës dhe Zvicrës, në vendin e tretë ka përfunduar Kombëtarja Shqiptare me 3 pikë, pas fitores ndaj Rumanisë me rezultat 1:0, me golin e Armando Sadikut.
