Leeds United është rikthyer në Ligën Premier pas një kohe të gjatë dhe kjo do të thotë një diçka… tifozët mund të presin nënshkrime të mëdha nga ky klub.
Marcelo Bielsa ka frymëzuar ekipin me emër anglez të rikthehet në Ligën Premier për herë të parë pas 16 vitesh.
Ky rikthim ka bërë bujë të madhe në Angli, por edhe gjetiu, pasi ekipi i Leeds ka një simpati të madhe ndër tifozë dhe ndeshjet e tyre priten me interesim të madh.
Trajneri argjentinas është i sigurt që do ta forcojë skuadrën e tij këtë verë, pavarësisht se është kurorëzuar si fitues i titullit në Championship.
Klubi anglez tashmë është lidhur me lëvizje të bujshme për sulmuesit veteranë Zlatan Ibrahimovic dhe Edinson Cavani.
Megjithatë, këta dy sulmues nuk do të jenë lojtarët e vetëm të mëdhenj që mund të luajnë te Leeds nga sezoni i ardhshëm.
Portieri Claudio Bravo, mbrojtësi Mauricio Isla dhe mbrojtësi i River Plate, Lucas Martinez Quarta po lidhen gjithashtu me një transferim te Leeds.
Nga ekipi aktual, vend në formacion pritet të kenë: Ben White, Stuart Dallas, Kalvin Philipps, Pablo Hernandez, Mateusz Klich dhe Jack Harrison.
/Telegrafi/