E plotësuar: Për shkak të një trajnimi sot në orët e mëngjesit janë parë forca të shtuara të KFOR-it mbi Urën e Ibrit, saktësisht të karabinierëve.
E në orët e pasdites, gazetarja e Telegrafit, Blinera Mehmeti raporton se pjesa më e madhe e ushtarëve dhe automjeteve të tyre janë larguar nga Ura e Ibrit, ndërkaq aktualisht ndodhen dy autoblinda dhe dy automjete të karabinierëve.
Forca të shtuara të KFOR-it mbi Urën e Ibrit për shkak të një trajnimi
Sot në orët e mëngjesit janë para forca të shtuara të KFOR-it mbi lumin e Ibrit, por që shtimi i forcave ka të bëjë me mbajtjen e një trajnimi.
Gazetarja e Telegrafit, Blinera Mehmeti ju sjell fotografi nga Ura e Ibrit, gjersa nga KFOR-i i kanë thënë se shtimi i forcave ka të bëjë me mbajtjen e një trajnimi.
Ndryshe, të premten Policia e Kosovës ka zhvilluar një operacion në katër komunat në veri të vendit për ndërprerjen e aktiviteteve në pesë objekte që janë shfrytëzuar nga komunat ilegale.
Policia e Kosovës ka njoftuar se aksioni është realizuar bazuar në kërkesën e Ministrisë së Administrimit dhe Pushtetit Lokal, në bashkëpunim dhe koordinim me institucionet përkatëse të Kosovës dhe organeve të drejtësisë. /Telegrafi/
