Ekipi fnatic ka fituar çmimin prej 100.000 dollarësh në turneun Elisa Masters Espoo në Finlandë.
Në finale fnatic u takua me ekipin gjerman BIG të cilët i mposhtën me rezultat të përgjithshëm 2-0 me mapa.
Fnatic nuk pati aspak probleme ndaj ekipit BIG, duke i mposhtur me lehtësi në mapin ‘Vertigo’ 16-4 dhe në mapin ‘Overpass’ 16-5.
Edhe pse në mungesë të lojtarit ‘Krimz’, fnatic ka treguar lojë fantastike gjatë gjithë turneut, me lojtarin e akademisë së ekipit Peppe ‘Peppzor’ Borak.
Lojtari më i mirë i ndeshjes finale ishte kapiteni i fnatic, William ‘mezii’ Merriman me vlerësimin nga HLTV 1.61.
Me këtë fitore fnatic ka siguruar çmimin e vendit të parë prej 100.000 dollarësh si dhe pjesëmarrjen në turneun IEM Katowice 2023.
Në ndërkohë ekipi BIG në vendin e dytë ka fituar çmimin prej 28.000 dollarësh.
Më poshtë e gjeni formacionin e ekipit fitues fnatic:
William ‘mezii‘ Merriman
Dion ‘FASHR‘ Derksen
Fredrik ‘roeJ‘ Jørgensen
Peppe ‘Peppzor‘ Borak
Nico ‘nicoodoz‘ Tamjidi
/Telegrafi/