Paderborn ka kaluar në epërsi ndaj Dusseldorf në ndeshjen e javës së tretë në Bundesliga 2, ku golin e ka shënuar Florent Muslija.
Zhvillohej minuta e pestë e takimit, kur mesfushori i Kosovës, Muslija, tundi rrjetën për 1-0.
Muslija shënoi me një gjuajtje të fortë nga brenda zonës pas asistimit të David Kinsombi.
Sezoni i ri, Muslija i njëjtë… ylli “Dardan” shënon gol të bukur për Paderbornin 🙌🏼🇽🇰 pic.twitter.com/9uZ7n9ubmJ
— LIG Sport (@lig_sport) August 19, 2023
Ky ishte goli i parë i futbollistit 25-vjeçar në Bundesliga për sezonin e ri 2023/24, ndërsa kishte shënuar ditë më parë edhe në Kupën e Gjermanisë ndaj Cottbus.
Sezonin e kaluar Muslija kishte shënuar 10 gola dhe kishte bërë 6 asistime, me klubin që kishte pranuar oferta për kartonin e tij, por nuk ishin të kënaqshme financiarisht. /Telegrafi/