Kingsley Coman dhe Manuel Neuer nuk janë stërvitur sot, por trajneri i Bayern Munchen, Hans-Dieter Flick, këmbëngul dyshja të luajnë kundër Lazios të mërkurën.
Bavarezët presin Lazion në ndeshjen e dytë të kthimit në Ligën e Kampionëve pas fitores 4-1 në Romë tre javë më parë.
“Unë jam i kënaqur me atë që bëmë në ndeshjen e parë. Ne luajtëm një ndeshje të shkëlqyeshme”.
“Ne jemi në një seri fitoresh dhe duam të vazhdojmë”, ka thënë fillimisht trajneri gjerman.
Kingsley Coman dhe Manuel Neuer nuk janë stërvitur një ditë para ndeshjes.
“Ata nuk u stërvitën sot, por ka ende kohë para ndeshjes. Për këtë arsye, unë nuk do të flas për formacionin e mundshëm. Kingsley ka pasur probleme muskulore, ndërsa Neuer ka grip”.
“Le të presim dhe të shohim nëse ata do të jenë në dispozicion. Unë do të marr vendimin përfundimtar nesër në mëngjes”, deklaroi Flick. /Telegrafi/