Fjalët e para të Verstappen pasi u shpall kampion bote në Formula 1

Max Verstappen është deklaruar pasi u shpall kampion bote në Formula 1, duke e mposhtur Leëis Hamiltonin.

Gara nisi me pikë të barabarta nga Verstappen dhe Hamilton, të cilët ishin në kuotën e 369.5 pikëve.

Piloti i Red Bullit u nis nga ‘pole-position’, ndërsa ai i Mercedesit nga pozita e dytë, por shpejt mori vendin e parë.

Lexo po ashtu Verstappen fiton garën e çmendur me Hamilton dhe shpallet kampion bote në Formula 1

Kështu pas 57 gjirove të zhvilluara në pistën e Abu Dhabit, Hamilton e mbajti epërsinë dhe vendin e parë, të cilin e humbi vetëm në gjiron e fundit.

Verstappen arriti të parakalojë në fund dhe të shpallet kampion në këtë edicion me 394.5 pikë, ndërsa Hamilton mbeti i dyti me 385 pikë.

Pas garës, belgo-holandezi ka thënë se ai është i pafjalë me suksesin që arriti dhe se në këtë xhiro kishte fat.

“Është çmenduri. Nuk di çfarë të them. Jam shumë i kënaqur për ekipin dhe për të gjithë këta djem. Më pëlqen shumë të punoj me ta”.

“Më në fund sot pata pak fat. Ekipi im e di që i dua dhe dua ta bëj këtë me ta për 10 ose 15 vitet e ardhshme!”, ka deklaruar Verstappen. /Telegrafi/