Sulmuesi Kosovës, Fisnik Asllani ka gjetur golin sot (e shtunë) në fitoren 3-0 të Elversberg në udhëtim te Darmstadt në ndeshjen e xhiros së 21-të në Bundesliga 2.
Elversberg i është kthyer fitores në kampionat pas tri humbjeve dhe një barazimi, duke marrë tri pikë shumë të rëndësishme.
Goli i parë i mysafirëve erdhi në minutën e 12-të me anë të Robin Fellhauer, i cili shënoi për 0-1, ndërsa Maurice Neubauer (42’) shënoi për 0-2.
Erster Sieg im Jahr 2025 – und was für einer 🔥. #UnsereElv gewinnt bei den Lilien in Darmstadt mit 3:0. 💯
0:3 I 90.#DieElv #UnsereElv #SVDELV pic.twitter.com/p2SpcvbsP4
— SV 07 ELVERSBERG (@SV07Elversberg) February 8, 2025
Për epërsinë 0-3 dhe rezultatin përfundimtar u përkujdes sulmuesi i Kosovës, Asllani, i cili tundi rrjetën në minutën e 64-të.
Ndryshe, deri tani Asllani ka shënuar 11 gola dhe 6 asistime në 20 ndeshje në Bundesliga 2, duke u renditet i pesti në listën e golashënuesve këtë sezon. /Telegrafi/