Kapaciteti: 47,700
Hapur: 2013
Klima: Mesatarja më e lartë 26 shkallë celsius dhe më e ulëta 18 shkallë celsius me 40 për qind gjasa për rreshje shiu.
Distanca e përafërt nga Moska: 1673 kilometra
Lokacioni: I vendosur në bregun e Detit të Zi, Sochi është i shtrirë përgjatë 140 kilometrave, që e bën qytetin më të gjatë në Evropë, i dyti më i gjatë në botë pas Mexico Cityt. Sochi është stadiumi më jugor i turneut, i cili po ashtu është i mbështetur në supet e maleve të Kaukazit.
Fisht Stadium ishte ndërtuar si stadiumi qëndror për Lojërat Olimpike Dimërore të vitit 2014, që mjafton të sqarojmë dukjen e vet fantastike, të dizajnuar për të simbolizuar borën. Fisht stadium është emëruar në bazë të malit Fisht, një maje mali në Kaukaz. Në gjuhën vendase, Adygeyan, “fisht” do të thotë “kokë e bardhë”.
Dy pjesët e fundme të stadiumit më parë kanë qenë krejtësisht të hapura, duke mundësuar pamje të maleve Krasnaya në veri dhe Detit të Zi në jug. Por, këto hapësira janë mbushur me tribuna të përkohshme për Botëror në mënyrë që të përmbushë kapacitetin e kërkuar nga FIFA.
Ndeshjet e fazës grupore: Portugali v Spanjë (E premte, 15 qershor, 20:00), Belgjikë v Panama (e hënë, 18 qershor, 17:00, Gjermani v Suedi (e shtunë, 23 qershor, 20:00), Australi v Peru (e martë, 26 qershor, 16:00).
Ndeshjet e fazës së eliminimit direkt: 1/8-ta – fituesi i Grupit A v vendi i dytë i Grupit B (e shtunë, 30 qershor, 20:00), çerekfinalja 3 (e shtunë, 7 korrik, 16:00).
