Tashmë kanë filluar punimet për restaurimin e Fabrikës së Vajit në Vushtrri.
Kryetari i Komunës së Vushtrrisë, Ferit Idrizi, ka njoftuar se ky objekt është i vjetër mbi 130 vjet, shkruan Telegrafi.
“Kanë filluar punimet për restaurimin dhe konservimin e objektit të ish-Arkivit, Fabrika e Vajit, objekt i cili është i vjetër mbi 130 vite”, ka thënë Idrizi.
Idrizi ka thënë tutje se ky objekt daton nga fundi i shekullit 19 dhe fillimi i shekullit 20.
“Ky objekt, si pjesë e trashëgimisë kulturore shqiptare, daton nga fundi i shekullit XIX dhe fillimi i shekullit XX, i ndërtuar nga mjeshtrit dibranë, në të njëjtën kohë me Kullën e Zejnullah Begut në Balincë”, ka shtuar ai. /Telegrafi/
