Wilton Sampaio, gjyqtari brazilian i cili u kritikua rëndë për paraqitjen e tij në eliminimin e Anglisë nga Kampionati Botëror nga Franca, do të qëndrojë në turne dhe mund të drejtojë finalen në Katar që mbahet më 18 dhjetor.
Vendimi i FIFA-s do të thotë se Sampaio mund të marrë në mënyrë të jashtëzakonshme drejtimin e finales këtë të diel, pavarësisht nga një mori vendimesh të diskutueshme në humbjen 2-1 të Anglisë ndaj Francës.
Anthony Taylor gjithashtu mbetet në garë për të arbitruar finalen e Botërorit, pasi nuk ishte caktuar në raundin e fundit nga FIFA.
Në fillim të turneut ishin 36 gjyqtarë, duke përfshirë dy përfaqësuesit e Ligës Premier si Taylor dhe Michael Oliver. Ky numër tani është ulur në 12 ndërsa turneu hyn në javën e saj të fundit, me Oliverin në mesin e atyre të pafat që u dërguan në shtëpi nga Katari.
Burimet e FIFA-s konfirmuan 12 gjyqtarët e tyre për Sportsmail të hënën në mëngjes dhe lista përfshin 44-vjeçarin, Taylor. Mbetet gjithashtu Sampaio – arbitri brazilian i cili u kritikua për vendimet e tij kontroverse, që quan në eliminimin e Anglisë nga gara të shtunën mbrëma.
Edhe pse ai i dha dy penallti Anglisë kundër Francës – një me rekomandim nga VAR – Sampaio u kritikua për mospërputhjen e veprimeve.
Anglia ndjeu se kishte një faull ndaj Bukayo Sakas nga Dayot Upamecano në minutat e parë. Skuadra e Gareth Southgate ishte gjithashtu e mahnitur që një sfidë nga Upamecano ndaj Harry Kane nuk rezultoi në një penallti, apo edhe një goditje dënimi nëse ishte jashtë zonës. /Telegrafi/
