FIFA ia ka ndaluar kombëtares daneze që të vish bluza me mbishkrimin: “Të drejtat e njeriut për të gjithë”, gjatë seancave stërvitore për gjatë pjesëmarrjes së tyre në Kupën e Botës në Katar.
Danimarka është një nga vendet që kritikoi më ashpër vendimin për ndarjen e organizimit të Kupës së Botës Katarit për shkak të mosrespektimit të të drejtave të njeriut në këtë vend.
Sponsorët e Federatës së Futbollit të Danimarkës ranë dakord të linin hapësirën e tyre në fanellat e stërvitjes për të dërguar një mesazh për situatën në Katar.
FIFA FORBIDS Denmark from training in human rights 'protest' strip which replaces sponsors with messages condemning World Cup hosts Qatar https://t.co/QI7fov2C7O
— MailOnline Sport (@MailSport) November 10, 2022
Megjithatë, FIFA e refuzoi kërkesën e danezëve për një mesazh të tillë me arsyetimin se mesazhet politike janë të ndaluara.
Danimarka është në grupin D së bashku me Francën, Australinë dhe Tunizinë.
Ndeshjen e parë ata do ta luajnë më 22 nëntor në orën 14:00 kundër kombëtares së Tunizisë./Telegrafi/