Liria e Prizrenit në pesë ndeshjet e para ka arritur që të tubojë plot gjashtë pikë.
Padyshim se një ndër lojtarët kryesor të kësaj skuadre dhe një ndër më të dalluarit në futbollin e Kosovë, është Liridon Fetahaj, i cili rrëfen ndeshjet e para të këtij edicioni në një prononcim për Gazetaolle.com.
“Synimet me Lirinë janë që të jemi sa më lart në tabelë dhe mos të luftojmë për mbetje në elitë sikurse edicionin e kaluar edhe për një gjë të tillë është herët që të flitet. Ndeshjet e para i vlerësoj jo fortë të kënaqshme pasi që nga të gjitha takimet kemi mundur të dalim fitues përpos ndeshjes së fundit (ndaj Llapit), por ndonjëherë fati është kundër teje dhe nuk realizohen qëllimet”, ka thënë Liridon Fetahaj për ‘Olle’.
Tutje, Doni ka edhe një premtim për tifozët ‘bardh e zi’, ‘Arpaxhikët’. “Tifozëve u premtoj se do të shohin lojë të bukur dhe të shpejtë. Për trofe është herët të flasin, por do ta japim më të mirën nga vetja”, potencoi Liridon Fetahaj.
Liria që drejtohet nga trajneri Ramiz Krasniqi në ndeshjen e fundit u mund nga Llapi në fushën e kësaj të fundit (2:0), kurse në ndeshjen e radhës takohet me Trepçan ’89 në Mitrovicë. Liria ndodhet e teta në renditje.