Liria bëri një fitore të madhe në udhëtim tek Hajvalia.
Skuadra prizrenase ka triumfuar me rezultat 2-4 falë tre golave nga super sulmuesi, Liridon Fetahaj.
Në një prononcim për Telegrafin, sulmuesi i rrezikshëm shprehet shumë i lumtur me fitoren dhe golat.
“Janë pikë shumë të rëndësishme për ne sidomos si mysafir pasi na shtohet vetëbesimi edhe për ndeshjen e radhës që do ta kemi ndaj Besës”.
Fetahaj përpos tre golave asistoi edhe tek goli i sulmuesit nigerian Ogemwiye.
Numri 10 i Lirisë thotë se ishte ndjesi e mirë për të t’i shënoi tre gola por që më e rëndësishme ishte fitorja.
“Gjithmonë është ndjesi e mirë kur të shënosh gola sidomos het-trik”.
“Por të them të drejtën për mua më shumë rëndësi kishin tri pikët pasi nuk jemi të sigurt në vazhdim të kampionatit”, deklaroi Fetahaj për Telegrafin.
Pas kësaj fitore, Liria është ngritur në pozitën e shtatë me 23 pikë të grumbulluara. /Telegrafi/