Disa femra kanë zbuluar cilat janë ato shprehi të çuditshme të partnerëve të tyre të cilat i nevrikosin
Çdo njeri ka të mirat dhe të këqijat dhe ndonjëherë te personat që janë në lidhje apo të martuar shprehitë e caktuara të këqija të partnerëve dalin mbi sipërfaqe edhe pse më herët nuk i kemi vërejtur, transmeton Telegrafi.
Çdo detaj patjetër duhet t’ia tregojë nënës së vet
Jam e martuar, ndërkaq bashkëshorti çdo mbrëmje së paku 20 minuta ia tregon nënës së vet aktivitetet tona ditore, bisedat, madje edhe çfarë kam përgatitur për kafjall, drekë dhe darkë.
I jep para vëllait pa më treguar mua
Rastësisht kam zbuluar që vëllait tim i ka dhënë një sasi të madhe parash, fshehtas nga unë dhe kur e kam pyetur më ka thënë që fjala është për hua, sepse nuk po i ecin punët mirë.
Sillet si tinejxher kur është me miqtë
Nuk ka shprehi të më thërrasë në celular, injoron thirrjet e mia dhe sillet sikur nuk ka grua. Për këtë shkak lidhja jonë është e palumtur dhe plot grindje.
Kur grindemi përmend gabimet e vjetra nga e kaluara
Kurdo që debatojmë, përmend ndonjë situatë nga e kaluara. Njëherë madje më ka kritikuar madje për diçka nga e kaluara kur sapo patëm filluar të takoheshim. Kjo më çmend!
Kontrollon telefonin tim
Vazhdimisht merr telefonin tim dhe e kontrollon. Ai nuk e kupton që nuk jam e detyruar bash çdo imtësi nga jeta ime ta ndaj me të.
Kam të drejtë për privatësinë time
Në martesë jemi 7 vjet dhe i ka kaluar në shprehi që të mos çajë kokën për mua. Nuk më pyet për mendimin kur diçka planifikon, vetë merr vendime dhe vetëm më tregon kur çdo gjë merr fund. /Telegrafi/