Na’Vi ka mposhtur ekipin FaZe në Këln të Gjermanisë, për t’i eliminuar përfundimisht nga gara.
Pas një përballje të ashpër në formatin ‘Bo3’, Na’Vi kanë mposhtur FaZe me rezultat të përgjithshëm 2-0 me mapa.
Me këtë fitore Na’Vi kanë siguruar ndeshjen për një vend në Play-Off ndaj ekipit Astralis, sot (e martë) duke filluar nga ora 19:30.
Paraqitje fantastike e Oleksandr ‘s1mple’ Kostyliev me 40 eliminime në mapin e dytë e ndihmoi skuadrën e tij drejt fitores 2-0.
S1mple ishte lojtari më i dalluar në këtë ndeshje me gjithsej 55 eliminime dhe vlerësimin 1.50 nga HLTV.
FaZe pas dy humbjeve radhazi janë eliminuar nga gara, pasi nuk patën paraqitje aq të mira krahasuar me turneun e tyre të fundit.
Ndërkaq pak ndeshje kanë mbetur për t’u mësuar skuadrat që do të luajnë në Play-Off të IEM Cologne. /Telegrafi/