Tashmë dy ndeshjet e para të turneut Blast Premier, i cili po mbahet në Lisbonë të Portugalisë, kanë përfunduar, ku ekipi favorit FaZe mposhti me lehtësi ekipin paiN, ndërsa G2 me vështirësi fitoi ndaj Vitality.
Ekipi FaZe, edhe pse nuk kanë pasur kohë mjaftueshëm të përgatiten për turneun Blast Premier, ndeshjen e parë e filluan mirë pasi mposhtën ekipin brazilian, paiN, me rezultat të përgjithshëm 2-0 me mapa.
Ndërsa në ndeshjen G2 ndaj Vitality, rezultati ishte më i ngushtë, kurse ndeshja ishte më e vështirë për të dyja ekipet, edhe pse mapin e parë e fitoi Vitality, ekipi G2 arriti të rikthehet duke e përfunduar ndeshjen me rezultat të përgjithshëm 2-1 me mapa.
Për momentin është duke u zhvilluar ndeshja tjetër Na’Vi kundër OG, ndërsa më vonë do të përballen ekipi ENCE kundër ekipit BIG.
Të gjitha ndeshjet mund t’i ndiqni në kanalet zyrtare të Blast Premier në platformën Twitch. /Telegrafi/