Me Ligën e Kampionëve që fillon sot (e marte) edicionin 2020/21, disa nga talentët e skuadrave evropiane do të tentojnë të lënë gjurmë.
Gara më e madhe për klube në kontinentin e vjetër do të ketë fokusin e veçantë nga futbolldashësit që do të shpresojnë të shohin spektakël.
Edhe pse tifozët nuk po lejohen ende të jenë prezent nëpër stadiume, të paktën nga televizori do të mund të shikojnë magjinë që dhuron Liga e Kampionëve.
Goal.com ka përpiluar një listë me dhjetë talentët që duhet shikuar në këtë sezon:
Jude Bellingham / Borussia Dortmund
Ndokush mund të ketë qeshur kur Birmingham City e pensionoi numrin 22 të fanellës që e barte Bellingham, në momentin që kompletoi kalimin te Dortmundi për 25 milionë euro, por 17-vjeçari është një lojtar me potencial të madh.
Eduardo Camavinga / Rennes
Nuk është tashmë një befasi se Real Madridi po e kërkon me ngulm transferimin e mesfushorit, mirëpo që skuadra franceze po kërkon 100 milionë euro, e që fokusi do të jetë në të në këtë edicion në Ligën e Kampionëve.
Jeremy Doku / Rennes
Një tjetër talent i skuadrës franceze, me këta të fundit që e transferuan atë për 26 milionë euro nga Anderlechti dhe aktualisht cilësohet si ‘Sadio Mane i ri’.
Ansu Fati / Barcelona
17 vjeçari tashmë ka pushtuar ballinat e mediave të mëdha dhe në këtë edicion pritet shumë nga ai, derisa e filloi mjaftë mirë si 16-vjeçar në edicionin e kaluar duke shënuar edhe gol.
Ryan Gravenberch / Ajax
I cilësuar si Paul Pogba i ardhshëm, 18-vjeçari pritet që në këtë edicion të ndihmojë shumë Ajaxin në kampanjën e tyre në Ligën e Kampionëve dhe jo vetëm.
Jamal Musiala / Bayern Munich
Hansi Flick është duke i dhënë mbështetje të plotë 17-vjeçari dhe i ka dhënë shansin që të debutojë te skuadra e parë e Bvarezëve, derisa do të luajë edhe në Ligën e Kampionëve.
Pedri / Barcelona
Nëse Fati konsiderohet si pasardhësi i Lionel Messit, atëherë Pedri cilësohet si Andres Iniesta i ri dhe Ronald Komena pret shumë nga ai në këtë edicion.
Gio Reyna / Dortmund
Një tjetër amerikan që shpreson të ketë fatin e Alphonso Davies që e kishte te Bayern Munichu në edicionin e kaluar dhe po vazhdon me një formë të lartë. Dortmundi e ka ftuar Reynan në këtë edicion të Ligës së Kampionëve.
Kays Ruiz-Atil / Paris Saint-Germain
Mesfushori 18-vjeçar ka bërë tashmë debutimin te PSG-ja në Ligue 1 dhe paraqitjet e tij kanë impresionuar të gjithë. Kujtojmë se lojtari iu bashkua skuadrës franceze nga akademia e Barcelonës, La Masia.
Lazar Samardic / RB Leipzig
Lojtari 18-vjeçar është tashmë pjesë e skuadrës së parë te RB Leipzig dhe forma e tij ka ngjallur shumë interesim te skuadrat e mëdha në Gjermani, ndërsa natyrisht se do të përcillet loja e tij edhe në Ligën e Kampionëve. /Telegrafi/
