Amir Rrahmani po vazhdon me formë shumë të mirë me fanellën e Veronas, dhe një ndeshje të jashtëzakonshme e zhvilloi edhe ndaj Fiorentinës.
Skuadra e tij fitoi me rezultat minimal 1-0, ndërsa mbrojtësi prishtinas ishte ndër lojtarët më të vlerësuar në këtë takim.
E pas paraqitjeve të jashtëzakonshme, Rrahmani mund të futet në formacionin më të mirë të javës në Evropë, pasi faqja e njohur ndërkombëtare ndër më të famshmet në botë, “433”, e ka futur Rrahmanin në votime nëse duhet të futet në 11-shen e javës.
Ai është një nga 10 mbrojtësit më të mirë për javën që lamë pas.
Kapiteni i Kosovës nuk qëndron mirë me vota aktualisht, dhe me ndihmën tuaj ai mund ta marr një vend për tu përfshirë në formacionin e javës.
Votimi bëhet përmes Instagram dhe të shkoni tek InstaStory e 433 që të votoni për Amir Rrahmanin. /Telegrafi/