Sipas raportimeve, Glazers kanë vendosur të shesin Manchester Unitedin për katër miliardë euro, mes reagimeve të tifozëve për përfshirjen e klubit në Superligën Evropiane.
Pronarët e Djajve Të Kuq morën pronësinë e klubit në vitin 2005, kur blenë ekipin e Ligës Premier për një shumë rreth 800 milionë euro.
Sidoqoftë, bashkëkryetarët e United, Joel dhe Avram Glazer janë pritur me kritika në përfshirjen e tyren për të krijuar Superligën Evropiane.
Tifozët e Djajve të Kuq u panë duke djegur flamurin amerikan jashtë Old Trafford të shtunën, ndërsa protestuan kundër familjes me bazë në Florida.
Sipas The Daily Mirror , çmimi prej 4 miliardë eurosh i Glazers bazohet në vlerën që do të kishin arritur nëse Superligën Evropiane nuk do të shpërbëhej.
Glazers, të cilët gjithashtu zotërojnë Tampa Bay Buccaneers, kanë qenë gjerësisht jopopullorë gjatë mandatit të tyre në Old Trafford pasi borxhi i United u rrit afër 430 milionë euro majin e kaluar.
Por, pronarët e United kanë treguar pak dëshirë për të shitur klubin e Ligës Premier, pavarësisht raportimeve për një ofertë të mundshme nga Princi i Arabisë Saudite, Mohammed bin Salman në sezonet e fundit.
Mirror raporton se investitorët e qytetit besojnë se vëllezërit Joel dhe Avram mund të largohen nga United nëse paraqitet një ofertë 4 miliardë euro.
Gazeta shtoi se ‘trashëgimia unike e United dhe fuqia tërheqëse tregtare’ janë dy faktorë të rëndësishëm në çmimin mahnitës të Glazers. /Telegrafi/