Evil Geniuses kanë njoftuar se Jerric “wiz” Jiang, që më parë ishte pjesë e ekipit EG Black , do të marrë rolin e AWP për skuadrën.
Lajmi vjen jo shumë kohë pas largimit të lojtarit bullgar Tsvetelin “CeRq” Dimitrov nga skuadra.
Lojtari i tyre i sapo promovuar Wiz e kaloi gjysmën e dytë të vitit 2022 duke luajtur për EG Black , pasi kishte bërë emër në skenën e Amerikës së Veriut duke luajtur për ekipet RGB dhe Carpe Diem.
Evil Geniuses do të debutojnë me lojtarin e tyre të ri të enjten më 19 janar teksa nisin garën e tyre në BLAST Premier Spring Groups kundër ekipit Heroic .
Ndeshja do të zhvillohet nga ora 15:00 dhe do të transmetohet në kanalin zyrtar të Blast Premier në platformën Twitch.
Ky është formacioni i ri i ekipit Evil Geniuses:
Timothy “autimatic” Ta
Vincent “Brehze” Cayonte
Sanzhar “neaLaN” Iskhakov
Jadan “HexT” Postma
Jerric “wiz” Jiang
/Telegrafi/