Ministri i Brendshëm i Francës, Bernard Cazeneuvem, tha se mbi 90 mijë policë, ushtarë dhe agjentë sekretë të sigurisë do të shpërndahen në gjithë Francën, për të ofruar siguri gjatë ditëve të Evropianit, nga data 10 qershor deri më 10 korrik.
Rreth 2.5 milionë spektatorë pritet të ndjekin 51 ndeshjet që do të zhvillohen në qytete të ndryshme të Francës. “Një ngjarje e tillë e veçantë, në rrethana të jashtëzakonshme, kërkon masa shtesë të sigurisë”, ka thënë ministri Cazeneuve, përcjell albinfo.ch.
Parisi vijon të jetë ende në gjendje të jashtëzakonshme pas sulmeve terroriste më 13 nëntor që lanë të vrarë 130 persona.
– See more at: http://www.albinfo.ch/euro-2016-shtohen-masat-e-sigurise-ne-france/#sthash.IaofD0LV.dpuf